Participar
Iniciativas de ADAS
A experiencia dos axentes dixitalizadores pode axudar a mellorar o Kit Digital. Aquí poñemos en común os problemas e preparamos propostas para quen xestiona o programa.
As propostas e achegas envíanse desde a sede electrónica, para asociados con certificado dixital.
Iniciativas publicadas
Como se preparan as iniciativas
Escoita
Escoitamos os problemas do día a día, o seu alcance e as melloras que propoñen os asociados.
Análise
Reunimos casos e contrastamos a experiencia, os datos e a normativa para redactar propostas concretas.
Consenso
Debatemos as propostas e acordamos as iniciativas e as posicións comúns antes de presentalas.
Interlocución
Buscamos traballar con Red.es, a Cámara de Comercio e os organismos responsables do Kit Digital para propoñer melloras.
Seguimento
Compartimos as actuacións e respostas que poidan facerse públicas e facemos seguimento dos avances.
Antes de participar
Cando se publican as iniciativas?
As iniciativas incorpóranse a este apartado cando a asociación acorda publicalas. Cada ficha recolle o seu contido e o seguimento que poida facerse público.
Quen pode facer unha achega?
Calquera persoa pode consultar as iniciativas. Para facer achegas desde a sede electrónica é necesario acceder cun certificado dixital e ter a alta como asociado aprobada. Os asociados poden enviar a súa achega á Secretaría e seguir a resposta desde a sede electrónica.
A miña mensaxe publicarase na web?
A achega envíase de forma privada a Secretaría. Non aparece automaticamente na web. Describe os casos sen incluír datos persoais de clientes nin documentación confidencial.
Que convén incluír nunha proposta?
Explica o problema, a quen afecta e que cambio concreto axudaría a resolvelo. Un exemplo anónimo adoita ser máis útil ca unha descrición xeral.